Ek Acha Insaan Kaise Bane Aur Uski Khasoosiyat Kya hein? | Motive8mind

Ek Acha Insaan Kaise Bane Aur Uski Khasoosiyat Kya hein??

@pixabay

Aaj ki daur-dhup bhari zindagi mein har koi chahta hai ke log usay pasand karein aur izzat dein. Lekin iske liye sab se zaroori cheez hai – ek acha insaan banna. Acha insaan banne ke liye sirf soch ka acha hona kaafi nahi, balki humare aamaal bhi dusron ke liye behtareen hone chahiyein. Is maqale mein hum jaanenge ke Ek acha insaan kaise banein aur uski khasoosiyat kya hoti hain. 

            Acha Insaan Banne ke Tareeqe;-

1 imandari aur Sachai Apnayein;-

   Ek acha insaan hamesha sach bolta hai aur imandari se kaam karta hai. Jhoot aur dhokay se bachein, kyunki yeh aapki shanakht ko bigaad sakte hain.  

2 Dusron ki Madad Karein;-

   Niswaarth tor par zarooratmand logon ki madad karein. Yeh sirf dusron ke liye nahi, balki aapke andar bhi sukoon aur khushi laata hai.  

3 Manfi Soch Se Bachein;-

   Hamesha positive soch rakhein aur nafrat, hasad aur jalan jese jazbaat se door rahein. Yeh jazbaat sirf aapki zindagi ko mushkil banate hain.  

4 Akhlaq Aur Adab Ka Khayal Rakhein;-  

   Achay ikhlaq aur adab wala shakhs har jagah izzat aur mohabbat paata hai. Dusron se pyaar bhara rawayya ikhtiyar karein aur hamesha meethi zubaan bolein.  

5 Sab Ke Sath Insaf Ka Bartao Karein;-

   Kisi ke sath na-insafi na karein. Har shakhs ke sath barabar ka bartao karein, chahe woh ameer ho ya gareeb.  

6 Buraai Se Door Rahein;-

   Jhoot, dhoka, chugli, aur dusron ka haq maarne jese buray aamaal se door rahein. Yeh aadatein sirf aapki izzat kam karti hain.  

7 Sabar aur Shukr Karen;-

   Har haal mein sabr aur shukr ada karna seekhein. Acha insaan mushkilon ka samna himmat aur hosle se karta hai.  

8 Ilm Aur Seekhnay Ka Jazba Rakhein;- 

   Ilm hasil karna aur naye naye tajurbaat se seekhna bhi ek ache insaan ki nishani hai.   

         Ek Achay Insaan Ki Khasoosiyat 

1 Dil ka saaf hota hai – Kisi se nafrat ya jalan nahi rakhta.  

2 Sab ka izzatdaar hota hai – Buzurgon ka adab karta hai aur chhoto se pyaar.  

3 Imandari aur sachai ka pairokar hota hai – Hamesha sach bolta hai.  

4 Madadgaar hota hai Har kisi ki madad karne ko tayyar rehta hai.  

5 qÀAchi soch aur aqalmandi rakhta hai – Hamesha positive sochta hai.  

6 Sabar aur shukr karta hai – Mushkilon mein ghabrata nahi aur Allah ka shukr bajalata hai.  

7 Mehnati aur Zimmedar hota hai – Har kaam ko imandari aur mehnat se karta hai.  

8 Bachon aur kamzor logon ka khayal rakhta hai – Har shakhs ki izzat karta hai.  

Agar hum yeh sab aadatein apni zindagi ka hissa bana lein, toh na sirf hum ek (behtareen insan) ban sakte hain, balki doosron ke liye bhi ek misaal banenge. Achay insaan ki pehchan sirf uski baatoun se nahi, balki uske aamaal se hoti hai. Isliye hamesha behtareen soch apnaein aur apni zindagi ko dusron ke liye behtareen banaein.